«Шәфкать» үзәге белгечләре өлкән яшьтәге ханымны туган көне белән котладылар
5 март көнне Түбән Кама муниципаль районында «Шәфкать» халыкка социаль хезмәт күрсәтү комплекслы үзәгенең социаль эш буенча белгечләре социаль хезмәт алучы Фатыйма Хәбибулла кызын туган көне белән котладылар.
2019 елда ул өлкән яшьтәге гражданнар өчен гаиләләр булдыру проекты кысаларында яңа гаиләгә ия булды. Социаль хезмәт күрсәтү үзәге белгечләре пенсионерга нык сәламәтлек, озын гомер һәм иминлек теләделәр. Моннан тыш, үзәк хезмәткәрләре яшәү шартлары белән таныштылар һәм төрле проблемаларны хәл итү өчен социаль ярдәм алу мөмкинлеге турында әңгәмә үткәрделәр. Фатыйма Хабибулла кызы яшәү шартларыннан канәгать булуын белдерде һәм социаль хезмәткәрләргә җылы теләкләр һәм бүләкләр өчен рәхмәт әйтте.
Исегезгә төшерәбез, «Өлкән кешене тәрбиягә алган гаилә» проекты республикада 2017 елдан бирле гамәлгә ашырыла. Бүгенге көндә проект кысаларында Татарстанда 36 өлкән яшьтәге кеше яңа гаиләгә ия булды.