«Тәтеш балкышы» үзәгендә Тернәкләндерү һәм карау мәктәбе эшен дәвам итә

2022 елның 2 марты, чәршәмбе

«Демография» илкүләм проектын тормышка ашыру кысаларында «Тәтеш балкышы» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре социаль хезмәткәрләрне өлкән яшьтәге гражданнарның һәм инвалидларның туганнарын тернәкләндерү һәм карау күнекмәләренә өй шартларында өйрәтүләрен дәвам итәләр.

Дәресләр теоретик нигезләрне өйрәнү һәм авыручыларны карау күнекмәләрен гамәли үзләштерү буенча лекция, практик, дистанцион чаралар курсы формасында уза.

Дәресләрдән соң, өлкәннәрнең һәм инвалидларның туганнары билгеләп үткәнчә, алынган белемнәр аларга карау процессын җиңеләйтергә һәм авыручыларның тормыш сыйфатын яхшыртырга ярдәм итә.