«Җылы йорт» приютында бассейнда сәламәтләндерү дәресләре үткәрелә

Чүпрәле муниципаль районында «Җылы йорт» балалар һәм яшүсмерләр өчен социаль приютында бассейн эшли. 5 яшьтән алып 16 яшькә кадәрге тәрбияләнүчеләр һәр атна саен йөзү дәресләренә йөриләр.

Дәрестә тәрбияче С. В. Цыфаркина спорт һәм җиңелләштерелгән йөзү техникаларын үзләштерү өчен төрле уен күнегүләре, суда хәрәкәтчән уеннар, аэроб дулкыннары һ. б. үткәрә. Спорт төре буларак йөзү балаларның сәламәтлеген яхшыртуга ярдәм итә, дәресләр баланың ихтыяри сыйфатларын: кыюлык, тәвәккәллек, мөстәкыйльлекне үстерә.