Минзәлә районы социаль хезмәт күрсәтү үзәге белгече танып-белү сәгате үткәрде
Татар гимназиясе базасында Минзәлә районының халыкка социаль хезмәт күрсәтү комплекслы үзәге белгече Ольга Бывальцева «Интернетта балаларның мәгълүмати куркынычсызлыгы. Интернет-янаулар классификациясе» дигән темага танып-белү сәгате уздырды. Чара «Цифрлы гигиена» эш программасын гамәлгә ашыру кысаларында оештырылды. Дәрестә 7 нче сыйныф укучылары катнашты.
Очрашу башында белгеч Интернетның нинди мөмкинлекләр бирүен һәм анда нинди куркынычлар көтәргә мөмкин булуын сөйләде. Социаль челтәрләрдә балаларның үз-үзләрен тотышына аерым игътибар бирелде. Виртуаль разминкада балалар «Куркынычсыз Интернет» дигән видеороликлар карадылар.
Шулай ук чарада катнашучылар интернет-бәйлелек һәм мәгълүмати куркынычсызлыкның нәрсә икәнен белделәр. Ольга Бывальцева балаларга социаль челтәрләрдә куркынычсыз аралашу кагыйдәләрен искә төшерде. Материалны ныгыту өчен уеннар үткәрелде, ә аннан соң балалар интернет-бәйлелекне билгеләү буенча тест уздылар.