Югары Осланның интернат-йортында өлкәннәр һәм инвалидлар өчен куркынычсызлык дәресләре үткәрәләр

2022 елның 16 феврале, чәршәмбе

Өлкән кешеләрнең иминлеге – бүгенге көн өстенлекләренең берсе. Социаль хезмәтләр алучылар, хезмәткәрләрнең барлык тырышуларына карамастан, алдакчыларның корбаны булырга мөмкин. Моны кисәтү өчен Югары Осланның өлкәннәр һәм инвалидлар өчен интернат-йортында «Өлкәннәр һәм инвалидлар өчен куркынычсызлык мәктәбе» программасы эшләнгән.

Әлеге программа кысаларында учреждение юрисконсульты Сергей Карасев яшәүчеләр өчен «Сак булыгыз, мошенниклар» дигән профилактик әңгәмә үткәрде. Социаль хезмәтләр алучылар телефон аша алдауның төрле ысуллары, шикле шалтыратулар һәм хәбәрләр килгәндә куркынычсызлык кагыйдәләре турында белделәр. Сергей Карасев яшәүчеләргә алар өчен махсус әзерләнгән мәгълүмати белешмәлекләр һәм буклетлар таратты.