Азнакай интернат-йортында хезмәт терапиясе

Азнакай районы өлкәннәр һәм инвалидлар өчен интернат-йортының социаль эш буенча белгече барлык теләүчеләр өчен ташландык материалдан энә савыты ясау буенча мастер-класс үткәрде.

Дәрес бик мавыктыргыч килеп чыкты һәм бер сәгатькә генә сузылмады. Һәркем үз кул эшен ничек бизәргә икәнлеген уйлады. Өлкәннәр идеяләре белән уртаклаштылар, төсләр һәм тукымалар турында фикер алыштылар. Һәркем энә савытын үзе теләгәнчә бизәде.

Чара бик кызыклы һәм мавыктыргыч үтте. Мастер-класста катнашучылар бик күп уңай эмоцияләр алдылар.