Яшел Үзән Халыкны эш белән тәэмин итү үзәге эш бирүче көненә чакыра
16 нчы февраль көнне Яшел Үзән Халыкны эш белән тәэмин итү үзәге эш эзләүче яки эшен алыштырырга теләгән барлык гражданнарны эш бирүче көненә чакыра. Чара 10.00 сәгатьтән 12.00 сәгатькә кадәр түбәндәге адрес буенча узачак: Яшел Үзән шәһәре, Татарстан ур., 1.
Эш бирүче көнендә «Перевозки» ҖЧҖ катнашачак. Эш эзләүчеләргә администратор, производство һәм хезмәт биналарын җыештыручы, җыештыручы, махсус кием юу һәм ремонтлау буенча машинист, кассир, пешекче, бүлмәләрне җыештыру буенча менеджер вакансияләре тәкъдим ителәчәк. Тәкъдим ителгән вакансияләр буенча уртача хезмәт хакы күләме 20 000 сумнан артып китә.
Чарага килүчеләр предприятиенең кадрлар хезмәте вәкилләре белән очраша, үзләрен кызыксындырган сорауларын бирә, шулай ук хезмәт законнары мәсьәләләре буенча консультацияләр ала, мәшгульлек хезмәте күрсәтә торган дәүләт хезмәтләре турында белә ала. Хезмәтләр бушлай күрсәтелә.
Халыкны эш белән тәэмин итү үзәге эпидемиологик режимны саклау, антисептикларны куллану, социаль дистанцияне үтәү зарурилыгы турында искә төшерә.
Белешмәләр өчен телефон: (84371) 5-54-02.