Югары Утар балалар интернат-йорты үзенең 60 еллыгын билгеләп үтә
1962 елда Татарстан Республикасы Саба районында акылга зәгыйфь балалар өчен балалар йорты оештырыла. Югары Утар балалар интернат-йорты бүгенге көндә психик бозылулары булган гражданнар өчен билгеләнгән.
Менә инде 60 ел дәвамында учреждение ярдәмгә аеруча мохтаҗ балаларга ярдәм күрсәтә. Балалар интернат-йортында өйләренә якын булган яхшы тормыш шартлары тудырылган. Заманча аппаратура белән җиһазландырылган медицина кабинетлары, уку кабинетлары, сенсор бүлмәсе, актлар залы, дәвалау физкультурасы кабинеты, массаж, гамәли сәнгать һәм тегү кабинетлары, көнкүреш адаптациясе кабинетлары, компьютер классы, уен бүлмәләре һ.б. бар.
Белгечләр иҗади берләшмәләрдә төрле-төрле эш алып баралар. Балалар тегәргә, бәйләргә, пешерергә өйрәнә, кул эшләре ясый. Шулай ук тәрбияләнүчеләр өчен мәдәни-күңел ачу чаралары, әңгәмәләр, викториналар, конкурслар оештырыла.
Учреждениенең төп кыйммәте һәм бизәге – балалар гына түгел, аның белгечләре дә. Алар арасында Имаметдин Гәрәй улы Гәрәев та бар. 1969 елда учреждениенең җитәкчесе итеп билгеләнгәч, ул аның традицияләрен саклап кына калмыйча, аны шактый ныгытты. Ул җитәкчелек иткән вакытта интернат-йорт, гади балалар йортыннан алып, акылга зәгыйфь балалар өчен база тернәкләндерү учреждениесе статусын алды. Бүген Имаметдин Гәрәй улы, директор урынбасары буларак, аны чын күңелдән яратучы балалар хакына хезмәт итүен дәвам итә.