Минзәлә районы халыкка социаль хезмәт күрсәтү үзәгендә мөмкинлекләре чикләнгән балаларның әти-әниләре өчен клуб эшли
Кичә, 31 нче гыйнварда, Минзәлә халыкка социаль хезмәт күрсәтү комплекслы үзәгендә «Үзеңнекеләр арасында үзеңне» дигән темага дәрес узды. Чара «Күңел чыганагы» мөмкинлекләре чикле балалар тәрбияләүче ата-аналар өчен клуб программасы кысаларында үткәрелде.
Очрашуда дүрт социаль хезмәт алучы катнашты. Гаилә белән эшләү буенча белгеч Алена Филаретова аларга төркемдә катнашучыларны таныштыруга, хәвеф-хәтәрләрне төшерүгә юнәлдерелгән күнегүләр тәкъдим итте. «Үз-үзеңә хат...» биреме куелган максатларга ирешү өчен психологик җайланма формалаштырырга ярдәм итте. Катнашучылар тарафыннан язылган хат 2022 елда клубның соңгы утырышында анализланачак.
Шулай ук чарага сабын чәчәкләре ясау буенча мастер Светлана Соснина да чакырылган иде. Ул хәйрия мастер-классын үткәрде, бу төр иҗат турында сөйләде. Бу эшне клубның барлык катнашучылары да башкарды, хәтта башта авыр бурычлардан курыккан кешеләр дә.