«Здравушка» тернәкләндерү үзәгендә тематик сәгать узды

2022 елның 28 гыйнвары, җомга

Бүген Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә Холокост корбаннарын искә алу атналыгы тәмамланды. Ел саен үткәрелә торган акция кысаларында учреждение белгечләре тематик сәгать оештырдылар.

Чарада катнашучыларга ул елларның куркынычлары турында сөйләделәр. Дәресне оештыруда материалга аерым игътибар бирелде: тасвирланган вакыйгаларның бөтен авырлыкларын сөйләгәндә балаларны җәрәхәтләмәве бик мөһим.

Чара «үлем лагере»н Кызыл Армия гаскәрләре тарафыннан азат итү турында сөйләү белән тәмамланды. Корбаннарны бер минут тынлык белән искә алдылар.

Соңрак җыелучылар өчен Холокост вакыйгалары хроникасын җентекләп аңлатучы видеопрезентация үткәрелде.