«Веста» үзәге белгече яшүсмерләргә ышаныч телефоны турында сөйләде
8 нче социаль участокта балигъ булмаганнар арасында караучысызлыкны һәм хокук бозуларны кисәтү буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Анастасия Ильина «Ышаныч телефоны: үз-үзеңне үпкәгә салма» дигән темага төркемле дәрес үткәрде. Чарада 11 яшүсмер катнашты.
Дәрес барышында балигъ булмаганнар телефон психологик хезмәтенең барлыкка килү тарихы, аның эш принциплары турында белделәр. Белгеч билгеләп үткәнчә, ышаныч телефоны хәзерге вакытта социаль әһәмияткә ия булган хезмәтләрнең берсе булып тора. Алынган мәгълүматны ныгыту өчен балалар «Ассоциация» һәм «Прогноз» күнегүләрен үтәделәр.
Чараның йомгаклау өлешендә белгеч балигъ булмаганнарга психологик ярдәм күрсәтү хезмәтләренең номерларын күрсәтеп буклетлар таратты.
Чара яшүсмерләргә психологик ярдәм аноним хезмәте һәм кирәк булган очракта ярдәм сорап мөрәҗәгать итү мөмкинлеге турында мәгълүмат бирү максатыннан үткәрелде.