«Астра» тернәкләндерү үзәгендә яңа проект тормышка ашырыла башлады

Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Аутистик спектрда тайпылышлар булган баланы уңышлы социальләштерү һәм үстерү чарасы буларак махсус үсә торган мохит» проектын тормышка ашыру башланды.

Махсус җайлаштырылган мохиттә мондый балаларга төрле предметларның функцияләрен һәм алар белән социаль яраклы гамәлләр ысулларын, үз-үзеңне тоту кагыйдәләрен, коммуникатив һәм танып белү күнекмәләрен үзләштерү җиңелрәк. Проект кысаларында тернәкләндерү үзәгендә алдынгы тәҗрибәне исәпкә алып, алдынгы «төшке» мохит, альтернатив коммуникация методларын һәм специфик үзенчәлекләрне, балаларның ихтыяҗларын исәпкә алып, кабинет җиһазландырыла. Кабинет төрле үсеш ала торган кулланмалар белән тулыландырыла: куркынычсыз һәм кызыктыргыч агач уенчыклар, альтернатив коммуникация чаралары (PECS карточкалары, фразалар конструкторлары, тематик һәм диагностика әсбаплары), баш мие стимуляциясе комплекты (Бильгоу тактасы), ул танып-белү, хәрәкәт итү күнекмәләре өчен җавап бирүче баш мие үзәкләре эшен синхронизацияләргә ярдәм итә.