«Астра» тернәкләндерү үзәгендә Яңа ел алды мастер-классы

2021 елның 17 декабре, җомга

16 декабрь көнне Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияче Наталья Белова иҗат остаханәсе эшен оештырды. Көндезге бүлеккә килүчеләр өчен открытка-шейкерлар ясау буенча мастер-класс үткәрделәр.

Балалар һәм аларның әти-әниләре кызыклы техникага өйрәнделәр: пленка яки пластиктан ясалган буш өлеше булган декоратив элемент алына, аның эченә төрле вак декор тутырыла. Пенопласт ярмаларының хәрәкәте шейкерда кар яву иллюзиясен тудыра.

Кул эшләрен башкару барышында балалар иҗади сәләтләрен, кызыксынучанлыгын күрсәттеләр, кулларның вак моторикасын үстерделәр. Бу гаҗәеп техника уңай энергетикалы уникаль картиналар ясарга мөмкинлек бирде.