«Изгелек» тернәкләндерү үзәгендә спорт чарасы уздырылды

2021 елның 16 декабре, пәнҗешәмбе

Махсус Олимпиаданың Бөтендөнья кышкы уеннары чараларын үткәрүгә әзерлек кысаларында 15 декабрьдә Яр Чаллы шәһәренең «Изгелек» инвалидларны тернәкләндерү үзәгендә физкультура-сәламәтләндерү чарасы узды. Ул физкультура белән шөгыльләнүгә гадәт формалаштыруга һәм сәламәт яшәү рәвешен пропагандалауга юнәлтелгән.

Дәвалау физик культура буенча инструктор җитәкчелегендә катнашучылар разминка ясадылар, ә соңыннан гимнастик эскәмия һәм инвентарь ярдәмендә төрле күнегүләр комплексларын үтәүгә актив кушылдылар. Өйрәнелгән техниканы ныгыту өчен «Кем тизрәк?» уены үткәрелде.

Чарада ун кеше катнашты.