Буа интернат-йортында финанс грамоталылыгы буенча онлайн-дәресләр уза

2021 елның 15 декабре, чәршәмбе

Россия банкының «Өлкән буын өчен финанс грамоталылыгы» проектын тормышка ашыру кысаларында Буа өлкәннәр һәм инвалидлар өчен интернат-йортында белгеч Д. В. Гыйльфанова җитәкчелегендә социаль хезмәт алучылар онлайн-дәресләрдә катнашалар.

Финанс грамоталылыгы нигезләре өлкән яшьтә еш була торган хаталарны булдырмаска булыша. Онлайн-дәресләр социаль хезмәтләр алучыларны шәхси матди ресурслар белән грамоталы идарә итәргә өйрәтә, бу кешегә барлык керемнәрнең һәм чыгымнарның исәбен алып барырга, акчалата ресурслар белән эш итәргә, киләчәкне планлаштырырга ярдәм итә.