Лаеш тернәкләндерү үзәге территориясе каршында махсус машина кую урыны барлыкка киләчәк

2021 елның 14 декабре, сишәмбе

Инвалидлар декадасында Лаеш мөмкинлекләре чикле балалар һәм яшүсмерләр өчен тернәкләндерү үзәгендә муниципаль район башлыгы Илдус Зарипов булды.

Визит барышында ул учреждениенең социаль-тернәкләндерү хезмәтләре күрсәтү шартларын бәяләде, инвалид балаларның ата-аналары белән аралашты. Аралашу нәтиҗәләре буенча район башлыгы шәһәр башкарма комитеты җитәкчесенә тернәкләндерү үзәге территориясе каршында инвалидларның шәхси транспорты өчен машина кую урыны булдыруны оештырырга кушты.

Гомумән алганда, оешманың эше Лаеш районы җитәкчелеге тарафыннан югары бәяләнде.