«Балачак куркынычсызлыгы» акциясе кысаларында «Веста» үзәгендә профилактик дәрес үткәрелде
3 нче декабрь көнне 13 нче социаль участокта Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгечләре Рәмзилә Хафизова һәм Ландыш Зарипова «Теракт янавы турында ялган хәбәрләр өчен җинаять җаваплылыгы» дигән төркемле дәрес үткәрделәр. Чара «Балачак куркынычсызлыгы» Бөтенроссия акциясе кысаларында үткәрелде. Дәрестә 10 балигъ булмаган бала катнашты.
Телефон террорчылыгы турында видеофильм карагач, белгечләр балалар белән бергә террорчылыкның нәрсә икәнлеге, террорчылар алар кемнәр кебек сорауларга җавап бирделәр. Аннары белгечләр катнашучыларга террорчылык һәм экстремизм юлына басарга карар кылган кешеләргә каралган җәза турында җентекләп аңлаттылар.
Дәрес ахырында балалар мәгълүмати буклетлар алдылар, шулай ук белгечләр балаларны законны бозмаска өндәделәр.