Арча районында инвалид балаларның ата-аналары белән түгәрәк өстәл узды

2021 елның 8 декабре, чәршәмбе

6 декабрьдә Арча үзәк китапханәсендә ведомствоара түгәрәк өстәл оештырылды. Очрашуда мөмкинлекләре чикле балалар тәрбияләүче ата-аналар катнашты. Алар төрле сораулар бирделәр.

Арча районы администрациясе, социаль яклау һәм башка ведомстволар вәкилләре проблемаларга колак салдылар һәм аларны хәл итү юлларын бергәләп эзләделәр. Инвалид балалар тәрбияләүче ата-аналар белән очрашуның мондый форматы күп кенә мәсьәләләр буенча фикер алышырга мөмкинлек бирде. Һәр әти-әнине ишеттеләр. Алар сораулар биреп кенә калмадылар, балаларны үстерү, аларның ялын оештыру буенча үз тәкъдимнәрен дә керттеләр.

Иң актив ата-аналар «Мәрхәмәтлек үзәге»нең рәхмәт хатлары белән бүләкләнделәр.