Волонтерлар Югары Ослан интернат-йортында яшәүчеләрнең хыялын тормышка ашырдылар

2021 елның 3 декабре, җомга

«Миңа хат яз» проектын тормышка ашыру кысаларында «Старость в радость» Бөтенроссия волонтерлык хәрәкәтендә катнашучылар Югары Ослан өлкәннәр һәм инвалидлар өчен интернат-йортында яшәүчеләргә яхшы кәеф бүләк итәләр.

Социаль хезмәт алучылар Казан, Мәскәү һәм Мәскәү өлкәсе, Пенза, Сочи, Ярославль, Санкт-Петербург, Краснодар, Ульяновск, Түбән Новгород һәм хәтта Германиядәге волонтерлар белән хат алышалар. Интернат-йортта яшәүче Анатолий Гурьянов һәм Валентина Торочева шушы көннәрдә Мәскәүдән посылка алдылар. Анда өлкәннәр күптән хыялланган радиоалгычлар иде. Өлкән кешеләрнең хыялын волонтерлар тормышка ашырды.