Гражданнар куркынычсызлыгы – өстенлекле бурыч
Гадәттән тыш хәлләрне кисәтү һәм янгын куркынычсызлыгын тәэмин итү максатыннан Менделеевск районы «Өмет яры» комплекслы үзәге хезмәткәрләре даими рәвештә профилактик эш алып баралар. Әйтик, белгечләр социаль куркыныч хәлдә булган гражданнарны һәм гаиләгә һәм балаларга социаль ярдәм бүлекчәсендә хезмәт алучыларны өйләренә барып карап йөриләр.
Социаль хезмәт алучылар белән әңгәмәләр, инструктажлар үткәрелә, электр белән тәэмин итү, газ һәм мич җиһазларының тышкы торышы тикшерелә, көнкүрештә янгын куркынычсызлыгы чараларын үтәү, газдан куркынычсыз файдалану буенча буклетлар тапшырыла.
Чираттагы тапкыр бүлек белгечләре балалы гаиләләрдә булдылар һәм янгын куркынычсызлыгы мәсьәләләре буенча гына түгел, ә яңа коронавирус йогышы таралуны булдырмау чаралары турында да сөйләделәр. Шулай ук район халкына ашыгыч хезмәтләрнең телефон номерлары һәм янгын чыккан очракта гамәлләр турында искәртүләр белән белешмәлекләр тапшырылды.