Зәй районында Игелек көне узды
13 август көнне Зәй районының Карамалы аучылык хуҗалыгы территориясендә мөмкинлекләре чикләнгән балалар, авыр тормыш хәлендә булган балалар һәм ведомствоара социаль патронатта торучы балалар өчен Игелек көне үткәрелде.
Бәйрәмнең инициаторы булып тугыз ел дәвамында кечкенә кунакларны шатланып кабул итүче шәхси эшмәкәр Риф Әхмәтҗанов торды.
«Шатлык» халыкка социаль хезмәт күрсәтү комплекслы үзәге белгечләре өч һәм уналты яшькә кадәрге 40тан артык бала һәм аларның әти-әниләре өчен анимацион программа оештырганнар.
Анимацион программа барышында балалар мавыктыргыч сәяхәткә киттеләр. Алар спорт эстафеталарында, күңелле конкурсларда, уеннарда, викториналарда һәм бию флешмобларында катнаштылар.
Бигрәк тә тамашачыларга татлы бүләк истә калды, аны алар чара ахырында алдылар.
Социаль-анимацион программадан тыш, катнашучылар квадрациклларда, көймәләрдә, ата-аналар белән бергә урман сукмаклары буйлап йөрделәр, шулай ук чарада катнашучылар өчен ризыклар әзерләнгән иде.
Очрашу ахырында барысы да истәлекле сувенирлар алдылар.
Хәйрия акциясенә башка эшмәкәрләр дә кушылды: Рамил Шәрипов барлык балаларга һәм волонтерларга татлы мамык әзерләде, Виктория Маслова җитәкчелегендә «Волшебники» балалар бәйрәмнәре студиясе мавыктыргыч социаль-анимацион программа тамашасы әзерләделәр. Физик культура һәм спорт идарәсе, шулай ук Яшьләр эшләре идарәсе транспорт бүлеп бирде.
Чара дәвамында балалар белән бергә Зәй политехника көллиятенең волонтерлар отряды ярдәме дә алыштыргысыз булды.