«Кайгырту» приютында тәрбияләнүчеләр белән «Үз сайлавың буенча тормыш» дигән дәрес үткәрделәр

2021 елның 2 августы, дүшәмбе

Балигъ булмаганнар арасында суицидаль тотышны кисәтү максатыннан 31 июльдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Марина Сәгыйдуллина «Үз сайлавың буенча тормыш» дигән дәрес үткәрде. Балалар тормыштагы конфликтлы хәлләр һәм аларны ничек булдырмаска кирәклеге турында сөйләделәр. Шулай ук чарада катнашкан һәр кеше үзенең бәхетле тормышын ничек күзаллавы турында сөйләде һәм моны рәсемдә сурәтләде.