Тукай районында булачак әниләрне яңа социаль рольгә әзерлиләр
14 июльдә «Бәхетле аналык» технологиясен гамәлгә ашыру кысаларында Тукай район үзәк хастаханәсе базасында йөкле хатын-кызлар белән чираттагы гамәли дәрес үткәрелде. «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе психологы Ләйсән Насырова тыңлаучыларга «Аналыкка психологик әзерлек» дигән темага материал әзерләде. Чара булачак әниләрнең яңа социаль ролен кабул итүгә, йөклелек һәм бала табуның имин үтүенә ышаныч арттыруга юнәлдерелгән иде.
Дәрес башында хатын-кызларга «Минем йөклелек» дигән рәсем тестын үтәргә тәкъдим ителде. Аннары белгеч психологик яктан агарту эше үткәрде һәм катнашучыларга үз хисләрен аңлауга, йөклелек белән бәйле хис-тойгыларны һәм хисләрне кабул итүгә юнәлдерелгән киңәшләр бирде.
Чарада алты йөкле хатын-кыз катнашты. Алар белән йөклелек кичерү стильләре ачыкланды, аларны психоэмоциональ халәтне тотрыкландыруның конструктив ысуллары белән таныштырдылар, балалы гаиләләргә социаль ярдәм чаралары турында сөйләделәр.