Татарстанда «Булгария» теплоходында һәлак булганнарны искә алдылар

2021 елның 11 июле, якшәмбе

Кичә Кама Тамагы районының Сөйки авылы янында Идел ярындагы мемориаль комплекс янында искә алу чарасы узды. 2011 елның 10 июлендә «Булгария» теплоходы һәлакәте нәтиҗәсендә һәлак булганнарны искә алу өчен аларның туганнары һәм якыннары, шулай ук әлеге куркыныч вакыйганың нәтиҗәләрен бетерүдә катнашучылар җыелды. Искә алу чарасында шулай ук Татарстан Республикасы хезмәт, халыкны эш белән тәэмин итү һәм социаль яклау министры урынбасары Адель Мөбәрәкшин катнашты.

Бер минут тынлыктан соң мемориалга чәчәкләр салдылар. Аннан соң Иделнең биек ярына юнәлделәр, анда фаҗига урынында суга искә алу такыясы төшерелде.

Фото чыганагы: ТР буенча Россия ГТХМ Баш идарәсе