Алабуга интернат-йортында яшәүчеләр онлайн- һәм офлайн-турнирларда катнашалар
Алабуга өлкәннәр һәм инвалидлар өчен интернат-йорты һәм Мәскәү шәһәренең 23 нче психоневрология интернаты арасында бик кызыклы һәм мавыктыргыч шахмат буенча онлайн-турнир узды. Катнашучылар ике партия уйнады, алабугалылар Геннадий Щукин һәм Анатолий Беланов өстенлек алды.
Өлкәннәр онлайн-очрашуда беренче тапкыр катнаштылар. Турнирда җиңү аларның үз мөмкинлекләренә ышанычын ныгытты, күнекмәләрне камилләштерү өчен көчле мотивация бирде. Алга таба дистанцион шахмат һәм шашка уеннарын ешрак үткәрергә ниятлиләр.
Онлайн-турнирлардан тыш, Алабуга интернат-йорты карамагындагылар ярышларда офлайн да бик теләп катнашалар. Әйтик, июнь ахырында учреждение спортчылары ТР социаль хезмәт күрсәтү учреждениеләре хезмәт алучылар арасында республика шахмат-шашка турнирында катнаштылар. Команда зачетында алабугалылар Валерия Камилова һәм Владимир Кормильцев дүртенче урынны яуладылар.