Татарстан Республикасы Хезмәт, халыкны эш белән тәэмин итү һәм социаль яклау министрлыгы

Яр Чаллыда «Зур вальс» дип исемләнгән коляскаларда бию буенча фестиваль тәмамланды

2013 елның 8 мае, чәршәмбе

Яр Чаллыда урнашкан Боз сараенда «Зур вальс» дип исемләнгән коляскаларда бию буенча фестиваль гөрләп узды. Аның төп вакыйгаларының берсе шәһәр Мэры Кубогына ачык чемпионат һәм коляскаларда бию буенча Россия кубогын уйнатудан гыйбарәт иде.

Әлеге ярышларда якын һәм ерак чит илләрдән: Израиль, Словакия, Польша, Украинадан, шулай ук Мәскәү, Санкт-Петербург, Пермь, Төмән, Липецк, Алтай крае, Яр Чаллы кебек Россия һәм Татарстанның шәһәрләреннән килгән спортчы инвалид-колясочниклар катнашты.

Аларның чыгышларын коляскаларда бию буенча спорт федерациясе президенты Елена Лазко җитәкчелегендәге һөнәри хөкемдарлар коллегиясе бәяләде.

Чемпионат һәрбер категория буенча иң көчле биючеләрне ачыкларга ярдәм итте. «Дуэт – 2St» категориясендә, мисал өчен, Липецкның «Гармония» клубыннан килгән Николай Кузин һәм Снежана Шепелева пары беренчелекне яулады.

«Комби - St1» категориясендә исә Словакия вәкилләре – Петер Видасич и Хелена Касичкага тиңнәр булмады – беренчелек аларда.

«Дуэт- 2 La»категориясендә Cанкт-Петербургтан Сергей Антонов и Александра Бердник җиңде.

Шулай ук Санкт-Петербургтан килгән Вячеслав Осипов и Галина Рыжкова«Комби - La» бию төрендә абсолют җиңүче дип танылдылар.

«Комби - St2» категориясендә исә Мэр Кубогы туган шәһәрдә калды. Аны Яр чаллыда калдыру өчен иң күп көч түккән пар - STS бию клубы укучылары, Азия һәм Дөнья Кубогы ияләре, Россиянең җыелма командасы әгъзалары Виталий Морозов и Гөлназ Акбашева булдылар.

Сүз уңаеннан, шуны да әйтергә кирәк, әлеге пар 3-5 май көннәрендә коляскаларда бию буенча “Германиянең ачык чемпионаты” халыкара турнирыннан алтын медаль яулап кайткан иде.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ