Чистай психоневрология интернатында ГТО нормаларын тапшырдылар

2021 елның 18 июне, җомга

2022 елда Казанда узачак Махсус Олимпиаданың Бөтендөнья кышкы уеннары чараларын үткәрүгә әзерлек кысаларында Чистай психоневрология интернатында ГТО фестивале узды.

Барлык теләүче социаль хезмәт алучылар «Хезмәткә һәм оборонага әзер» Бөтенроссия физкультура-спорт комплексының интеллектуаль тайпылышлары булган затлар өчен нормаларын тапшырдылар. Программа түбәндәге сынаулардан торды: урыннан озынлыкка сикерү, идәндә яткан килеш кулларны бөгү, 30 метрга йөгерү, туры аяклар белән идәндә утырган җирдән алга таба тартылу. Бу тестлар ГТО комплексының аерымлык билгесен алу өчен мәҗбүри.