Җәлил интернат-йортында бәйрәм концерты узды

2021 елның 15 июне, сишәмбе

11 июнь көнне Җәлил картлар һәм инвалидлар өчен интернат-йортында социаль хезмәт алучылар «Россия – бердәм илебез» дигән бәйрәм чарасында актив катнаштылар. Чара саф һавада узды.

Концерт программасында төрле халыкларның җырлары яңгырады. Социаль хезмәт алучылар өчен флешмоб үткәрелде. Шулай ук интернат-йортта яшәүчеләр халык костюмнарын күрсәтүдә катнашты.

Мәдәни оештыручы Илгизә Сәлахова билгеләп үткәнчә, мондый чаралар өлкәннәргә һәм инвалидларга үзләренең иҗади сыйфатларын күрсәтү мөмкинлеге бирә.