Тәтеш интернат-йорты карамагындагылар прокурорга сорауларын бирделәр

2021 елның 10 июне, пәнҗешәмбе

9 июнь көнне Тәтеш муниципаль районы прокуроры Илдар Гайнуллин Тәтеш картлар һәм инвалидлар өчен интернат-йортында гражданнарны кабул итте.

Чараның максатлары: кеше хокукларын һәм ирекләрен саклау, законлылыкны һәм хокук тәртибен ныгыту бурычларын хәл итү.

Интернат-йортта яшәүчеләр дә, учреждение хезмәткәрләре дә үзләрен кызыксындырган сораулар буенча район прокурорына мөрәҗәгать итә алдылар. Прокурор килеп ирешкән барлык мөрәҗәгатьләрне дә үз контроленә алды.