Эльмира Зарипова Югары Ослан районында Министрлык карамагындагы учреждениеләрдә булып кайтты

2021 елның 8 июне, сишәмбе

Бүген, 8 нче июнь көнне, Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова эш очрашуы белән Югары Ослан районында булып кайтты.

Районга бару кысаларында ведомство башлыгы Министрлык карамагындагы учреждениеләрдә булды, гражданнарга социаль хезмәт күрсәтүнең сыйфаты белән танышты. Шулай ук Эльмира Зарипова социаль тармак хезмәткәрләрен һөнәри бәйрәмнәре белән котлады һәм аларга авыр хезмәтләрендә уңышлар теләде.