Җәлил интернат-йортында яшәүчеләр теннис уйнарга өйрәнә

2021 елның 7 июне, дүшәмбе

Җәлил картлар һәм инвалидлар өчен интернат-йортында социаль хезмәт алучылар өстәл теннисы уенының нечкәлекләренә төшенә. Дәресләрне дәвалау физик культура буенча инструктор Е. И. Климова үткәрә.

Ял итүнең мондый төре сәламәтләндереп кенә калмый, ә коммуникатив күнекмәләрне үстерүгә һәм тормыш белән кызыксыну уятуга да ярдәм итә. Дәресләр вакытында социаль хезмәтләр алучылар кулларның вак моторикасын яхшырта. Физик активлык йөрәк-кан тамырлары һәм сулыш системалары, терәк-хәрәкәт аппараты эшен яхшырта, тулаем организмны ныгыта һәм чыныктыра.