Татарстанлылар мини-футбол буенча бөтенроссия ярышларында көмеш медаль яулады

2021 елның 2 июне, чәршәмбе

23-30 май көннәрендә Сочи шәһәрендә интеллектуаль тайпылышлары булган затлар өчен мини-футбол буенча «Интеллектуаль тайпылышлары булган затлар спорт федерациясе 2021 ел кубогы» бөтенроссия ярышлары узды.

Татарстан Республикасы командасы составына Казан психоневрология интернаты карамагындагылар – Денис Зартдинов, Павел Шадрин һәм Алексей Гусев та керде. Учреждение тәрбиячеләре җитәкчелегендә алар ел саен мини-футбол буенча бөтенроссия һәм республика турнирларында катнашалар.

Быел Яшел Үзән һәм Алабуга психоневрология интернатларыннан социаль хезмәтләр алучылар белән бергә егетләр Россиянең җиде командасы арасында икенче урынны яуладылар.