«Кайгырту» социаль приютында химик көне
Балаларга экологик тәрбия бирү һәм Россиядә Фән һәм технологияләр елы кысаларында 30 майда Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Якупова «Химик көне» дип исемләнгән танып-белү чарасы үткәрде. Анда мәктәп яшендәге 13 бала катнашты.
Балалар кызыксынып химия белән бәйле белгечлекләр белән таныштылар, фармацевтлар, провизорлар, инженер-технологлар, лаборантлар нинди сыйфатларга ия булырга тиешлеген белделәр. Кызыксынучанлык, аналитик фикерләү, фәнгә мәхәббәт, тикшеренү эшчәнлеге белән кызыксыну – булачак химикның төп сыйфатлары.
8 нче сыйныф укучысы катнашучыларга химия дәреслеген күрсәтте, Менделеев таблицасын күрсәтте һәм бөек химикның тормышы һәм ачышлары турында сөйләде. Шулай ук балалар якташларының – А. М. Бутлеров һәм А. Е. Арбузовның фәнни казанышлары турында белделәр.
Химияне өйрәнгәндә тәҗрибәләр үткәрү зур урын алып тора, алар дөнья турында күзаллауны киңәйтә. Химик матдәләр белән эшләгәндә куркынычсызлык техникасын өйрәнгәннән соң, тәрбияләнүчеләргә матдәләрдә крахмалны билгеләү буенча тәҗрибәләр тәкъдим ителде.