«Астра» тернәкләндерү үзәгендә милли традицияләр турында дәрес узды

2021 елның 19 мае, чәршәмбе

Кичә, 18 май көнне, Алабуга районы «Астра» мөмкинлекләре чикле балалар һәм яшүсмерләр өчен тернәкләндерү үзәгендә «Татар халкының мәдәнияте һәм гореф-гадәтләре» дигән мәгълүмати дәрес үткәрелде. Чараның максаты балаларны татар халкының мәдәнияте, гореф-гадәтләре, милли ашлары белән таныштыру иде.

Дәрес башында әңгәмә үткәрелде, анда балалар татар мәдәниятенең үзенчәлекләре, бәйрәмнәре һәм гореф-гадәтләре турында белделәр. Татар халкының иң яраткан бәйрәме – Сабантуй турында да искә төшерделәр. Шулай ук балалар татар милли киемен карадылар, милли ризыклар белән таныштылар. Тозлы камырдан балалар мөстәкыйль рәвештә чәк-чәк ясап карадылар.

Танып-белү дәресе катнашучыларга бик күп уңай хис-кичерешләр бүләк итте.