Яр Чаллыда спорт-сәламәтләндерү чарасы узды

2021 елның 14 мае, җомга

Махсус Олимпиаданы уздыруга әзерлек кысаларында 12 майда Яр Чаллы шәһәренең «Изгелек» инвалидларны тернәкләндерү үзәге базасында «Сәламәтлек марафоны» спорт-сәламәтләндерү чарасы үткәрелде. Аның максаты – сәламәт яшәү рәвешен пропагандалау һәм гражданнарның физик сыйфатларын үстерү.

«Сәламәтлек марафоны»нда катнашучылар – көндезге бүлектә социаль хезмәт алучылар. Чара ярыш формасында узды. Ике командага бүленеп, тернәкләнүчеләр төрле эстафеталарда катнаштылар, хәрәкәтчән уеннар уйнадылар.

Чарада барлыгы сигез кеше катнашты.