Социаль хезмәт күрсәтү үзәкләре волонтерлык акцияләрендә актив катнаша
Ел саен Россиядә «Язгы игелек атнасы» акциясе үткәрелә. Әлеге акциянең төп максаты – ирекле эшчәнлек идеясе. Бу акциягә Баулы өлкәннәр һәм инвалидлар өчен интернат-йорты да кушылды.
«Язгы игелек атнасы» программасында төрле чаралар үткәрелде. Учреждение хезмәткәрләре өмә һәм генераль җыештыру оештырдылар. Моннан тыш, интернат-йортта яшәүчеләр «Игелекле эшләр эстафетасы» хәйрия акциясе кысаларында мунча өчен утын әзерләделәр.
Югары Осланның «Өмет утравы» халыкка социаль хезмәт күрсәтү комплекслы үзәге «Чиста йорт – чиста ишегалды» акциясенә кушылды.
Бөек Ватан сугышында Җиңүнең 76 еллыгы алдыннан Югары Осланның «Өмет утравы» халыкка социаль хезмәт күрсәтү комплекслы үзәгендә 15 апрельдән «Чиста йорт – чиста ишегалды» дигән хәйрия акциясе старт алды.
Акция кысаларында белгечләр һәм социаль хезмәткәрләр ветераннарга йортта тәртип урнаштыру һәм көнкүреш шартларын яхшырту, ишегалды территорияләрен төзекләндерү, чүп-чар җыештыру буенча ярдәм итәләр.
Өлкәннәр һәрвакыт ярдәмне шатланып кабул итәләр, кунакчыл каршы алалар, игътибар һәм кайгыртучанлык күрсәткәннәре өчен рәхмәт белдерәләр.