Тимурчылар Бөек Ватан сугышы тыл ветераны янына бардылар
«Сугышның хатын-кыз йөзе түгел» дигән социаль-гуманитар проектны тормышка ашыру кысаларында Бөгелмәнең «Салават күпере» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Наталья Калугина һәм социаль педагог Людмила Голубева тимурчыларны тыл хезмәтчәне Павлова Варвара Петровна белән очраштырдылар.
Балалар аңа «Раз стежок, два стежок» түгәрәге эше кысаларында үз куллары белән ясалган кечкенә бүләкләр тапшырдылар. Варвара Петровна сугыштан ире һәм әтисе кайтмаган кебек куркыныч вакытта яшәүнең ничек авыр булуы турында сөйләде.
Варвара Петровна – эмоциональ кеше, бер минут эчендә еларга да, көлергә дә мөмкин. Хәер, ул озак моңсуланмый һәм оптимизмны югалтмый. Очрашу ахырында тимурчылар аңа сугыш турында шигырьләр сөйләделәр, ә җавап итеп Варвара Петровна балалар өчен Михаил Исаковскийның «Огонек» җырын башкарды. Балаларның тыл хезмәтчәне белән очрашуы бик эмоциональ килеп чыкты.
Балалар ветеранга әхлак һәм оптимизм дәресе өчен рәхмәт белдерделәр. Варвара Петровнага сәламәтлек, туганнары һәм якыннарының игътибарын, күңел күтәренкелеге телибез.