Казанда яшүсмерләрне спортка җәлеп итәләр
Казан шәһәренең Киров районындагы гаиләгә һәм балаларга социаль ярдәм бүлекчәсе социаль педагогы Казан дәүләт энергетика университеты волонтерлары белән берлектә балигъ булмаганнар өчен «Махсус олимпиада – 2022» дигән интерактив төркем дәресе оештырган.
Дәрес барышында балалар 2022 елның гыйнварында Казанда Махсус олимпиаданың бөтендөнья кышкы уеннары узачагын, Татарстан Республикасы башкаласының зур халыкара ярышлар оештыру һәм спорт башкаласы репутациясе ярдәмендә Уеннарны үткәрү өчен сайлануын белделәр.
Дәрес иң кулай спорт төре – футболга багышланган иде. Волонтерлар катнашучыларны «Футбол турында» дигән презентация белән таныштырдылар, әлеге уенның үсеш тарихы, чын спортчы булу өчен кирәк булган сыйфатлар, атаклы спортчылар турында сөйләделәр.
Чара ишегалды мәйданчыгында дәвам итте, яшүсмерләр «Төгәллеккә бәрү», «Иң яхшы капкачы», «Һәркем үзе өчен» бәйгеләрендә җитезлек һәм команда рухын күрсәтте.