«Наз» балалар һәм яшүсмерләр өчен социаль приютында һөнәри юнәлешле чара уздырылды
«Наз» балалар һәм яшүсмерләр өчен социаль приютында чыгарылыш сыйныф укучылары өчен һөнәри юнәлеш бирүче дәресләр үткәрелә. Яшүсмерләр үзләренең шәхси үзенчәлекләрен өйрәнәләр, һөнәрләр дөньясы һәм хезмәт базарындагы вәзгыять белән танышалар.
Бүгенге дәрес «Темперамент һәм һөнәр» дип аталды. Анда 14 яшьтән өлкәнрәк яшүсмерләр Г. Айзенкның «Шәхси сораштыру» ярдәмендә педагог-психолог җитәкчелегендә темперамент төрен билгеләделәр, аларның никадәр аралашучан һәм эмоциональ яктан тотрыклы булуын бәяләделәр. Бу тәрбияләнүчеләргә тәкъдим ителгән һөнәрләр исемлегеннән холерикларга яки меланхоликларга, флегматикларга яки сангвиникларга туры килгән һөнәрләрне сайларга мөмкинлек бирде.
Бүген яшүсмерләр аз аралашучан кеше укытучы, сатучы яки чәчтараш булып эшли алмый, ә холерик темпераментлы кешегә бухгалтер яки архивариус һөнәрен тәкъдим итәргә кирәкми икәнлеген белделәр. Аннары балалар тагын берничә һөнәр карадылар һәм аларның һәркайсына тәкъдим ителгән һәр һөнәр вәкиленең: шәфкать туташы, программист, тәрбияче, пешекче, тегүче, менеджер, укытучы нинди сыйфатларга ия булырга тиешлеген аңларга тырыштылар.
Шулай итеп, тәрбияләнүчеләр үз-үзләрен реалистик кабул итүгә нигезләнгән һөнәр сайлау кагыйдәләре турында белделәр. Мондый дәресләр балаларга һөнәрне дөрес сайлау мөмкинлеге бирә.