Татарстан Республикасы Хезмәт, эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча Координация советының чираттагы утырышы узды

2013 елның 26 апреле, җомга
Татарстан Республикасы Хезмәт, эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Аның төп темасы оешмалар тарафыннан үтәлә торган мәҗбүри социаль, пенсия, медицина иминиятләштерүләре өчен түләүләр, хезмәт хакын вакытында түләмәүбуенча финанс-икътисадый хәл һәм бурычларны каплау мәсьәләләре буларак яңгырады. Утырыш министрның беренче урынбасары Айрат Хәсәнов җитәкчелегендә узды.
Координация советы утырышында җәмгысе биш министрлыктан килгән вәкилләр катнашты. Бу хезмәт, эш белән тәэмин итү hәм социаль яклау; финанс; авыл хуҗалыгы; икътисад, сәүдә һәм сәнәгать, төзелеш, архитектура һәм торак-коммунальхуҗалык министрлыклары. Шулай ук совет эшендә ТР буенча РФ Пенсия фонды бүлеге, ТР буенча РФ социаль иминиятләштерү Фондының җирле бүлеге, ТР Прокуратурасы, ТР Дәүләт хезмәт инспекциясе, ТР буенча салым хезмәте Федераль Идарәсе, ТР икътисад һәм социаль тикшеренүләр үзәге, ТР Төзүчеләр Союзы да актив катнаштылар.
Утырышта Казан, Түбән Кама, Чистай, Арча районнарының бурычлы предприятиеләре эше каралды. Утырышка аларның җитәкчеләре дә чакырылган иде.
Координация советының карары буенча, МУП «Управление торговли и материально-технического обеспечения» (Бөгелмә) һәм  «Пеликан» ҖЧҖ (Бөгелмә) эшләре тикшерү өчен ТР буенча Федераль Салым Хезмәтенә юлланды.
"Вектор" ҖЧҖ эше исә Прокуратурага җибәреләчәк.  
Калган оешмалар исә, бурычларын агымдагы елның 1 маена һәм 1 июненә кадәр түләп бетерү шарты белән, республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының контролендә калдырылдылар.
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International