«Яңарыш» үзәгендә һөнәри юнәлеш бирүче экскурсия уздырдылар

Бүген «Пуговка» проектын тормышка ашыру кысаларында Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Алар безнең үзәктә эшли» дигән экскурсия-әңгәмә узды.

Чара барышында балалар учреждениедә эшләүче белгечләрнең һөнәрләре, аларның вазыйфаи бурычлары һәм махсус инвентарь белән таныштылар, аларның эш урыннарында булдылар. Уен-презентация һәм табышмаклар һөнәрләр турында белемнәрне ныгытырга ярдәм итте.

Мондый чаралар балаларны өлкәннәр эшчәнлеге белән табигый шартларда таныштыру мөмкинлеге бирә һәм аларда һөнәрләрнең күптөрлелеге турында конкрет күзаллаулар формалаштыруны тәэмин итә.