«Өмет чаткысы» үзәгендә балаларга экологик тәрбия бирү
Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә балаларга экологик тәрбия бирүгә зур игътибар бирелә. Тәрбиячеләр балаларда тере табигатькә карата кызыксыну уяту, аңа мәхәббәт тәрбияләү, әйләнә-тирә дөньяны сакларга өйрәтү мөһим, дип саный.
2 нче апрель көнне тәрбияче Филсинә Гарәфиева Халыкара кошлар көненә багышланган «Безнең канатлы дусларыбыз» дип исемләнгән танып-белү чарасы үткәрде. Дәрес башында балаларга кошлар тавышы яздырылган видеофильм күрсәтелде. Балалар табигать дөньясына кечкенә сәфәр кылдылар. Балалар белән кошлар турында әңгәмә үткәрелде, алар табышмаклар чиштеләр, «Хәйләкәр карга һәм чыпчыклар» дигән хәрәкәтле уен уйнадылар, кошлар тормышы турында сөйләделәр.
Тәрбияче билгеләп үткәнчә, мондый чаралар балаларның туган як кошлары турында белемнәрен киңәйтүгә, күчмә һәм кышлаучы кошлар турында күзаллауларны тирәнәйтүгә, танып-белү активлыгын үстерүгә, каурыйларга карата сакчыл һәм кайгыртучан мөнәсәбәт тәрбияләүгә ярдәм итә.