Көндезге төркемдә шөгыльләнү үзенчәлекле кешеләргә үз потенциалын ачарга ярдәм итә
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә интеллект, аутистик спектр бозылулары булган 18 яшьтән өлкәнрәкләр өчен көндезге төркемдә чираттагы дәрес узды.
Мондый кешеләр яшьтәшләре белән аралашуга кытлык кичерә, шуңа күрә төркемдә үткәрелгән хәтта 2-3 сәгать тә бик мөһим. Җылы һәм дустанә атмосфера хәтта йомык кешеләргә дә ачылырга ярдәм итә.
Психологлар һәм социаль эш буенча белгечләр дәресләрдә һәркемгә уңайлы булсын өчен барысын да эшлиләр: арт-терапия технологияләре, рольле уеннар кулланалар, фото- һәм киноматериал белән эшлиләр, төрле релаксацион техникаларга өйрәтәләр, бу төркемдә катнашучыларның психоэмоциональ халәтен тотрыкландырырга мөмкинлек бирә.
Эмоциональ халәтне гармонияләштерү һәм төркемдә катнашучыларның уңай фикерләвен формалаштыру өчен, шушы көннәрдә узган дәрестә белгеч О. А. Сафронова мастер-класс оештырды, ә психолог В. А. Япаев пластилин кулланып арт-терапия үткәрде.
Көндезге төркем эше сораулары буенча «Ышаныч» үзәгенең гаилә һәм балаларга социаль ярдәм күрсәтү бүлекчәсенә түбәндәге адрес буенча мөрәҗәгать итәргә мөмкин: Яр Чаллы шәһәре, Грин урамы, 9 нчы йорт. Белешмәләр өчен телефон: (8552) 70-66-43.