«Исток-Башлангыч» үзәгендә хезмәт алучылар белән мәгълүмати очрашу уздырылды

2021 елның 22 марты, дүшәмбе

«Демография» милли проектының максатчан күрсәткечләренә ирешү максатыннан Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Зилә Садыкова социаль хезмәт алучылар белән мәгълүмати очрашу үткәрде. Әлеге чара балигъ булмаган балалары булган хатын-кызларны эш белән тәэмин итүгә ярдәм итү максатыннан оештырылды.

Очрашуда биш кеше катнашты. Чара аларга аларның кайсы өлкәдә эшли алуларын аңларга ярдәм итте. Шулай ук катнашучыларга халыкны эш белән тәэмин итү үзәгенә нинди документлар бирергә кирәклеге турында киңәшләр бирелде.