«Яңарыш» тернәкләндерү үзәгенә Май чабу бәйрәме килде
9 март көнне, Туган телләр һәм халыклар бердәмлеге елы кысаларында, педагог Юлия Мельникова җитәкчелегендәге «Кызыклы эшләр республикасы» иреклеләр отряды, Россия Эчке эшләр министрлыгының Бөгелмә районы буенча бүлеге каршындагы Иҗтимагый совет һәм Бөгелмә муниципаль районының иреклеләр үсеше координация үзәге җитәкчесе Наталья Кулагина белән берлектә, балалар өчен «Май чабу киңлеге» дигән күңел ачу-уен ялы оештырдылар.
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр Май чабу һәм Кар бабай белән бергә күңел ачтылар. Балалар рәхәтләнеп Пасха йомыркаларын ташыдылар, тылсымлы паровозда йөрделәр, хоккей-змейка уйнадылар, табышмаклар чиштеләр. Уен өлешеннән соң барысы бергә кайнар коймак белән сыйландылар. Әкият геройларының төрле бүләкләр тапшыруы балалар өчен күңелле сюрприз булды.