«Ышаныч» үзәге белгечләре Туган телләр һәм халыклар бердәмлеге елы кысаларында чара уздырды

2021 елның 10 марты, чәршәмбе

Татарстанда игълан ителгән Туган телләр һәм халыклар бердәмлеге елы кысаларында Яр Чаллының «Ышаныч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсе белгечләре социаль хезмәт алучылар өчен бүләк – видеоязма әзерләделәр. Анда учреждение хезмәткәрләренең балалары татар шагыйрьләренең шигырьләрен укыйлар.

Хезмәт алучылар Тукай районы Биклән авылында яшәүче Рәзинә Сәетгәрәеваның шигырен тыңладылар. Аны 4 нче сыйныф укучысы Дамир Сәлахиев укыды.

Мондый чаралар өлкәннәр һәм инвалидларның күзаллауларын киңәйтә, якташларының иҗаты белән таныштыра, шулай ук көнкүреш һәм гадәти проблемалардан арынырга мөмкинлек бирә.