«Балкыш» приютында тәрбияләнүчеләрне хәрби пешекче һөнәре белән таныштырдылар
Шушы көннәрдә Түбән Кама районының «Балкыш» балалар һәм яшүсмерләр өчен социаль приютында «Һөнәри юнәлеш бирүче калейдоскоп. Минем хыялым һөнәре» программасын тормышка ашыру кысаларында һөнәри юнәлеш бирүче дәрес узды.
Өлкән төркем малайларга кешеләрнең ничек буыннан-буынга ризык әзерләү тәҗрибәсен тапшырулары, аш-су белән бәйле традицияләрне ничек саклавы турында сөйләделәр.
Тәрбиячеләр Ираида Мадиярова һәм Анжелика Пушкова тәрбияләнүчеләргә армиядәге пешекчеләр турында сөйләделәр. Малайлар булачак хәрби пешекчеләрне кыр шартларында ничек ашарга әзерләргә өйрәтүләре турында белделәр. Хәрби пешекчеләр тактик, һавага каршы һәм инженерлык әзерлеге үтә, «Кыр кухнясы», «Иң тәмле кичке аш» бәйгеләрендә катнаша икән. Тәрбиячеләр белән бергә яшүсмерләр булачак хәрби пешекче нинди шәхси һәм һөнәри сыйфатларга ия булырга тиешлеге турында фикер алыштылар.