«Изгелек» үзәге белгечләре күптән түгел тернәкләнү узган әби янына барып кайттылар
Бүген Яр Чаллыда «Изгелек» инвалидларны тернәкләндерү үзәгенең социаль эш буенча белгечләре Рәмзия Хәйбулова һәм Мәдинә Хажарова 94 яшьлек тыл ветераны, сугыш ветеранының тол хатыны Саимә Гариповага барып кайттылар.
Саимә апа күптән түгел тернәкләндерү курсы узган үзәк белгечләрен кунакта күрергә бик шат иде. Белгечләр аны Халыкара хатын-кызлар көне белән котладылар, нык сәламәтлек һәм актив озын гомер теләделәр.
Чәй табыны артында Саимә апа балачак, сугыш, сугыштан соңгы авыр чорлар турында сөйләде, тормышыннан мәзәк хәлләр турында сөйләде. Ул «Изгелек» үзәгендә тернәкләндерү дәресләрен сагынуын белдерде.
Рәмзия Хәйбуллова өлкән кешегә табиб Евдокименконың нәтиҗәле сулыш гимнастикасын тәкъдим итте. Саимә апа дөрес суларга өйрәнде һәм иртән яки йоклар алдыннан күнегүләрне һичшиксез башкарачагын билгеләп үтте. Аннан соң ул Мадина Хажарова артыннан вак моториканы үстерү һәм организмның активлыгын саклау өчен күнегүләрне кабатлады.
Тернәкләндерү үзәге волонтерлары белән очрашу өлкән кешегә бары тик яхшы тәэсирләр генә бүләк итте.