Минзәлә интернат-йортында яшәүчеләр 8 Мартка открыткалар ясадылар

2021 елның 3 марты, чәршәмбе

Бүген Минзәләнең өлкәннәр һәм инвалидлар өчен интернат-йортында социаль эш буенча белгеч Екатерина Титова Халыкара хатын-кызлар көненә багышланган котлау открыткалары ясау буенча дәрес үткәрде.

«Открытка рәвешендәге кечкенә игътибар билгесе бәйрәм көненә аеруча җылылык өстәргә сәләтле», – дип сөйләде иҗади дәрестә катнашучыларга интернат-йорт белгече. Өлкәннәр бик теләп котлау открыткалары ясадылар, аларны 8 март көнне әбиләргә бүләк итәчәкләр.

Екатерина Титова сүзләренә караганда, мондый иҗади дәресләр ярдәмендә социаль хезмәт алучыларның чәчәк композициясе ясау күнекмәләре формалаша, кулларның вак моторикасы үсә һәм кәеф күтәрелә.