«Шатлык» комплекслы үзәгендә 23 февраль уңаеннан чара узды
26 февраль көнне Зәй районы «Шатлык» халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсенең ярымстационарында социаль хезмәт алучылар өчен Ватанны саклаучылар көне уңаеннан чаралар оештырылды. Алар балалар һәм аларның әти-әниләренең уртак эшен оештыруга, тормыш күнекмәләрен һәм шәхес һәм гаиләнең ресурс потенциалын актуальләштерүгә юнәлдерелгән иде.
Очрашуда социаль адаптациядә кыенлыклар кичерүче һәм гаилә эчендә конфликтлары булган гаиләләрдә тәрбияләнүче балалар, шулай ук аларның әти-әниләре катнашты.
Чара кысаларында халыкка социаль хезмәт күрсәтү комплекслы үзәге белгечләре «Ватанга мәхәббәт һәм хөрмәт тәрбияләү» дигән лекция, Ата-аналар университеты эше кысаларында әңгәмә, «Игелек дәресе» дигән төркемле дәрес һәм спорт-сәламәтләндерү марафоны уздырдылар. Үткәрелгән конкурслар, эстафеталар, уеннар, викториналар коммуникатив күнекмәләр, уңай эмоцияләр һәм хисләр үсешенә ярдәм итте.